Зборувањето во сон официјално се нарекува сомнилокија. Тоа е една од облиците на парасомнија, односно пореметување во однесувањето за време на спиењето. Се карактеризира со длабок сон зборување. Тоа е многу честа појава и не се смета за медицински проблем.
Зборувањето во сон може да биде многу смешно, забавно, фасцинантно, но и непријатно. Можеби сте зборувале за нешто што сте го сонувале или доживеале тој ден, а можеби на личноста до вас сте ѝ откриле многу повеќе отколку што сте сакале.
Луѓето зборуваат во сон максимум 30 секунди по епизода, но некои може да зборуваат повеќе од еднаш во иста ноќ. Понекогаш ова се многу јасни изрази и можете целосно да разберете што зборува заспаниот. Сепак, понекогаш тоа ќе биде и мрморење што е тешко да се дешифрира. Додека ги слушате, ќе ви изгледа како да зборуваат сами со себе. Некои шепотат, а некои викаат.
„Според моето искуство, зборувањето во сон може да биде поврзано со преоптоварување на нервниот систем предизвикано од прекумерно гледање во екран пред спиење или зголемени количини на кофеин конзумиран во текот на денот“, вели д-р. Нерина Рамлахан, терапевтка и специјалист за спиење.
Ако вообичаено не зборувате во сон, и одеднаш почнете да зборувате, тоа може да се должи и на следниве причини:
одредени лекови
емоционален стрес
покачена температура
ментални нарушувања
Исто така, зборувањето во сон може да им се случи на луѓе кои се строги кон себе, односно на оние кои пред себе ставаат многу обврски, перфекционисти, но кои често не го кажуваат гласно тоа што сакаат да го кажат.
Потоа, има ситуации кога тоа „излегува“ за време на спиењето, додава таа, истакнувајќи дека западните нации се хронично лишени од сон.
