Нема ништо поубаво од дремка по ручек, нели? Но, многу лекари советуваат дека тоа не треба да го правите бидејќи може негативно да се одрази на здравјето.
Постои можност храната што сте ја изеле да се врати назад во грлото (заедно со малку желудочна киселина). Ако тоа се случи, можат да се појават симптоми како чувство на печење во грлото и во градите, кисел вкус во устата, па дури и повраќање.
Истражување во Applied Psychology Nutrition, and Metabolism покажа интересни резултати според кои положбата на телото во текот на ручек влијае на варењето на храната, поточно на апсорпција на хранливите материи. Истражувачите проучувале како јадењето храна во седечка, исправена или лежечка положба влијае на варењето. Така дошле до откритие дека јадењето храна во лежечка положба го поттикнува празнењето на желудникот и ја подобрува апсорпцијата на хранливи материи.
Дали е препорачливо да се легне веднаш по оброкот?
Вистината е дека не постои сценарио во кое лежењето на кревет веднаш по оброк е препорачливо. Луѓето со одредени здравствени проблеми треба да бидат особено внимателни. На прво место треба да внимаваат пациентите со гастроезофагелен рефлукс, па дури и со состојби на хијатусна хернија. Не се препорачува да лежат по јадење.
По правило, по јадење е подобро да седите или најмалку половина час да шетате. Освен тоа, важно е да внимавате кога вечерате, за да не си легнете со полн стомак.
Последниот оброк треба да биде најмалку два часа пред легнување, а по вечерата најдобро е да направите кратка прошетка.