Затнувањето на филтерот обично се случува поради возење на кратки растојанија, особено поради „тргни-застани“ возење низ град.
Иако новите бензински автомобили се продаваат повеќе од автомобилите на дизел во последниве години, дизел автомобилите сè уште се многу повеќе барани при увоз на половни автомобили од ЕУ и постојано ја зголемуваат својата бројчена предност на нашите патишта.
Ако возите дизел автомобил кој е произведен по 2009 година, кога беше воведен стандардот Еуро 5, па еколошките стандарди за емисија на азотни оксиди и ситни честички саѓи беа значително затегнати, симболот што укажува на проблем со филтерот за честички (DPF) може да светне на контролната табла на вашиот автомобил.
Дали знаете како изгледа тој симбол и што треба да направите ако се запали таа сијаличка?
Затнувањето на филтерот вообичаено се случува поради кратки растојанија на возење, особено при возење низ град. Поради оваа причина, превентивно им се препорачува на сите кои возат дизел автомобили, главно во градски услови, по одредено време да возат по автопат најмалку 20 минути со брзина од 120 км/час.
И ако светне сијаличката, можете да се обидете да одите до автопатот или градската обиколница за да го издувате филтерот.
И ако тоа не функционира, ќе мора да одите во сервисен центар за да го исчистите и регенерирате DP филтерот. Чистењето на DPF е многу поевтино од цената на новиот филтер, па ако може да се поправи, дефинитивно е поисплатлива опција.
