Македонскиот фудбалски клуб Силекс ги заврши настапите во квалификациите за Лигата на шампионите уште во првото коло, откако доживеа пораз од 4:0 (2:0) на гостувањето кај Карабаг во Баку, Азербејџан.
Стрелци за домаќините беа Хаиме Ромеро (11. минута), Вилд-Доналд Герер (40. и 51.) и Махир Емрели (80).
По поразот, Силекс ќе игра во второто квалификациско коло од Лига Европа.
Карабаг во второто квалификациско коло ќе игра против подобриот од молдавски Шериф и Фола од Луксембург.
