Лејди Гага остави голем впечаток во неделата навечер кога излезе на оскаровската сцена за да ја отпее песната „Hold My Hand“ номинирана за Оскар, која ја напиша заедно со BloodPop за филмот „Top Gun: Maverick“.
За нејзината трансформација во изгледот уште се зборува, а цел интернет сака да знае каков отстранувач на шминка користи пејачката.
Нејзиниот изглед кога дојде на свеченоста? „Тешка“ црна шминка, смел црвен кармин и проѕирен црн корсетиран фустан.
Но, на сцената на театарот Долби? Светлоцрвениот кармин и тешката шминка ѝ беа избришани, фустанот го замени со црна маица и искинати фармерки. Сè на сè, тоа беше дефинитивно поприроден изглед. Можеби ќе беше непрепознатлива да не беше нејзината коса, која сè уште беше во француска плетенка.
„Тоа е длабоко лично за мене“, рече таа пред да ја изведе песната. „Потребна ни е многу љубов за да поминеме низ овој живот, а на сите понекогаш ни треба херој. Има херои насекаде околу нас на места каде најмалку ги очекуваме, но може да откриете дека можете да бидете сами свој херој, дури и ако се чувствувате скршени одвнатре“.
