По една година пауза Деонтеј Вајлдер се врати во рингот и покажа зошто е најдобар нокаутер, а многумина би рекле и најопасниот боксер на денешницата.
Популарниот Бронзен бомбардер, кој за шест дена ќе наполни 37 години, боксуваше против Роберт Хелениус (38) и го нокаутираше уште во првата рунда, со што му го донесе само четвртиот пораз во 35 борби.
На Вајлдер му требаше само еден вистински удар за да го испрати противникот на подот, судијата го започна одбројувањето, но многу брзо сфати дека нема шанси Швеѓанецот да стане, па веднаш ја прекина борбата и ги повика лекарите во рингот.
Вајлдер сега има 43 победи од 46 борби во кариерата, а дури 42 од нив ги реши со нокаут, покажувајќи дека сѐ уште е во самиот врв на денешните боксери.
Во текот на кариерата не успеа само да го победи Тајсон Фјури - двапати загуби, а еднаш борбата заврши без победник.
Многу американски медиуми веќе шпекулираат дека шампионот Олександр Усик ќе биде следниот противник на Вајлдер.