Фудбал

Солскјер: Требаше да победиме со поголема разлика

8. декември 2019 - 14:04 | МИА/КАЈГАНА

Победа во дербито со Манчестер Сити (2:1) донесе многу радост на Оле Гунар Солскјер, кој е критикуван постојано уште од почетокот на сезоната. Сепак, Манчестер Јунајтед уште еднаш покажа дека се силни против екипите кои се на врвот. Според норвешкиот стратег, неговиот тим дури и заслужил да победи поубедливо.

– Ќе го паметиме овој натпревар. Бевме опасни кога ја поседувавме топката и тргнувавме напред против можеби најсилниот тим на светот. Сити е навистина одличен тим. Не е лесно да се постигне таков резултат и да се браниш против нив толку добро, како што направивме ние. Требаше да победиме со два, три, па дури и четири гола разлика, но нивниот голман беше брилијантен, рече Солскјер.

Со 24 поени, Јунајтед сега се наоѓа на петтото место во пласманот. „Црвените ѓаволи“ веќе го поразија вториот Лестер, третиот Манчестер Сити, четвртиот Челси и шестиот Тотенхем, а покрај тоа, тие се единствените кои не загубија од лидерот Ливерпул.

Најдобрите моменти од натпреварот може да ги видите Тука.

Коментирај