Sony за само два месеца успеа да продаде 4,5 милиони конзоли PlayStation 5 ширум светот, што ги зголеми приходите на компанијата за дури 40 проценти.
Новата конзола PlayStation 5 на Sony излезе седум години откако конзолата PlayStation 4 се појави во продажба, а со зголемувањето на продажбата на новата конзола, побарувачката за конзолата PlayStation 4 се намали за 77 проценти во споредба со 2019 година.
Испораката на конзолите PS5, според информациите на Sony, ги исполни очекувањата на аналитичарите и предвидува дека најновата конзола ќе има 17,8 милиони корисници до крајот на 2021 година, а дури 63,4 милиони корисници до 2024 година.
Слична продажба своевремено имаше и конзолата PS4, која тогаш во првиот квартал ја купија 4,5 милиони корисници. Сепак, времето на забава и ново искуство допрва доаѓа за PS5 која уште не стигнала до корисниците во многу држави.
