Женската одбојкарска репрезентација на Србија ја освои титулата светски шампион, откако синоќа во Апелдорн, ја победија селекцијата на Бразил со убедливи 3:0, по сетови 26:24, 25:22 и 25:17.
За Србија ова е втор трофеј на Мундијалите, додека Бразил остана без титулата и по четвртото свое финале. Србија всушност ја одбрани титулата освоена на минатиот Мундијал во 2018 година во Јапонија.
Светското првенство за одбојкарки се играше од од 23 септември до 15 октомври во Полска и Холандија со учество на 24 репрезентации.
Во натпреварот за третото место, Италија исто така во три сета ја совлада селекцијата на САД (25:20, 25:15 и 27:25).
За МВП на првенството е прогласена Србинката Тијана Бошковиќ.
