Аркадните игри еволуираа брзо во текот на 80-тите години од минатиот век - повисоката резолуција и повеќе бои ја создадоа потребата за вешти уметници и добри алатки.
За „Mortal Kombat“ е заслужно студиото Midway Games, а првата игра се појави далечната 1992 година - креативниот процес во тоа време беше значително различен од денешниот, па повеќе зависеше од актерите и движењето на живите тела.
Првата игрица произлезе од идејата за насловот чија ѕвезда требало да биде Жан-Клод Ван Дам, но брзо беше напуштена - тогаш се родила идејата за боречка игра која и денес добро ја знаеме.
По првото продолжение дојдоа многу други („Mortal Kombat 11“ излезе во 2019 година), потоа следеа серија стрипови, а во 1995 година беше снимен и филм во режија на Лоренц Казанов.
Се тврди дека само четири лица работеле на првата игрица, што и за тоа време било малку - инди насловите денес имаат поголеми тимови.
Аркадните игри еволуираа брзо во текот на 80-тите години од минатиот век - повисоката резолуција и повеќе бои ја создадоа потребата за вешти уметници и добри алатки. Потоа дојде трендот во кој ликовите и предметите беа дигитализирани со помош на компјутерски софтвер и полека почнаа да ја заменуваат уметноста со пиксели.
Ова значи дека тие користеле снимки од членовите на тимот за развој кои носат костими за правење видео игри, а нивните фотографии потоа биле дигитализирани (првата беше игрицата NARC, која излезе во доцните 80-ти). Откако со помош на таа метода беше направена аркадната игра базирана на култниот филм „Terminator II“, која доживеа голем успех во средината на 1991 година, се создадоа услови и за други содржини - на прво место за „Mortal Kombat“.
Програмерите зачувале некои идеи од нереализираниот проект со Ван Дам, а пред сѐ техниката на дигитални борци. Околу 8 месеци се работело на аркадата, а првично се размислувало за наслови како Kumite, Dragon Attack, Fatality, за на крајот да дојде до Mortal Kombat.
Играта брзо ја засакаа многумина, и покрај фактот што таа не бегаше од експлицитно насилство. Потребно беше многу трпение за да се засака некој наслов во тоа време - без интернет комбинации за финален удар и тајни за скриените ликови, се пренесуваа исклучиво од уста на уста, поретко преку популарните списанија за гејмерите.
„Mortal Kombat II“ пристигна на аркадите во април 1993 година, прилично недовршена, па се чекаа ажурирања - тоа беше пред интернетот, кога вработените во Midway Games одеа од уред до уред и воведуваа нови верзии на софтверот.
На старите снимки можете да видите како е создадена првата „Mortal Kombat“ и што се случувало зад сцената. Иако процесот на моменти делува комично, некои жалат што игриците повеќе не се прават вака, бидејќи, како што тврдат, во нив повеќе се уживало.