Ова јадење е исто како класичната сарма. Ги има истите состојки, само формата му е различна - се работи за ролат.
Кога ќе почне сезоната на кисела зелка, сите најмноги ѝ се радуваат на сармата. Доколку имате останато зелка од минатата сезона, доискористете ја така што ќе го пробате овој рецепт. На сарма-ролатот од кисела зелка тешко некој ќе му одолее, а ќе биде одлично послужување и за слава или било кој празник. Ова фантастично јадење можете да го прелиете и со необичен бешамел сос кој се прави од јогурт.
Потребни состојки:
- ½ кисела зелка
- 700 гр мелено месо
- 150 гр ориз
- 1 кромид
- 2 моркова
- 1 лажичка блага пипер
- 1 лажичка мајчина душица
- ½ лажичка ким
- маслиново масло
- сол
- бибер
За сосот:
- 40 гр путер
- 1 лажица маслиново масло
- 2 лажици брашно
- 600 мл јогурт
- 250 мл вода
- ½ лажичка мускатно оревче
Подготовка:
Пропржете ги ситно сечканите кромид и морков, а потоа додадете го меленото месо. Кога и тоа малку ќе се испржи додадете го оризот, посолете и побиберете, па посипете мајчина душица, пипер и ким. Турете малку вода и оставете на шпорет уште некои 5 минути. Тавчето премачкајте го со маслиново масло, па наредете листови кисела зелка. Над нив истурете половина од филот со месо, па ставете уште 2-3 листа зелка и истурете во остатокот од филот. Покријте со листови зелка и формирајте како ролат. Маслиновото масло помешајте го со ½ лажичка блага пипер и премачкајте. Покријте со фолија. Печете во претходно загреана рерна на 220°C околу 50 минути. Потоа тргнете ја фоилијата и печете уште 10 минути на истата температура. Загрејте путер и масло, па пропржете го брашното. Додадете јогурт и вода и посолете, побиберете и зачинете со мускатно оревче. Сосот е готов кога ќе се згусне, па со него прелијте го ролатот од зелка.
