Вечерва започнува НБА плеј-инот, а Минесота против Лејкерс ќе игра без својот најдобар кошаркар.
Во плеј-ин, сите средби се играат за една победа, па ова ќе биде клучна средба за Минесота оваа сезона, а во дресот на Тимбервулфс нема да го видиме Руди Гобер кој не отпатува во Лос Анџелес.
Клубот го казни Французинот откако тој го удри соиграчот Кајл Андерсон за време на тајм-аутот на последниот првенствен натпревар од сезоната против Њу Орлеанс.
Гобер јавно се извини за своето однесување, а сите очекуваа дека челниците на Минесота ќе му простат со оглед на неговата важност за тимот, но тоа не се случи.
Минесота вечерва (4:00 часот) ќе биде без својот најдобар кошаркар во походот за влез во баражот.
Победникот од мечот ЛА Лејкерс - Минесота ќе влезе во плеј-офот како седмопласирана екипа и ќе игра против Мемфис.
Поразениот тим ќе има уште една шанса за влез во баражот, кој ќе игра против подобриот од дуелот Њу Орлеанс - Оклахома Сити за 8. место во баражот што води во дуелите со Денвер.
