Во текот на изминатата недела во светот се регистрирани 21 милион нови случаи на заразени со коронавирус – најголем неделен број новозаразени од почетокот на пандемијата, соопшти денеска Светската здравствена организација.
Според соопштението, бројот на смртни случаи остана главно непроменет – повеќе од 50.000.
Во својата неделна проценка на пандемијата, СЗО наведе дека бројот на новозаразени со коронавирусот е зголемен за пет проценти, но дека стапката на раст исто така се чини дека забавува.
СЗО наведува дека најголем пораст на случаи на коронавирус е забележан на Блискиот Исток, со пораст од 39 отсто, по што следи скок од 36 отсто во Југоисточна Азија. Исто така, бројот на смртни случаи се зголемил во Југоисточна Азија, Блискиот Исток и Јужна и Северна Америка, но се намалил во другите региони.
