Светскиот шампион во WBC верзијата, Тајсон Фјури, преку видео објавено на социјалните мрежи го потврди името на следниот противник.
На видеото се гледа како Фјури зборува за Дилан Вајт.
„Едвај чекам да го треснам Дилан Вајт во фаца... Тренирај напорно, ќе бидеш уништен!“, вели Фјури.
Неговиот тим преговара со Вајт откако во октомври импресивно го нокаутира Дионтеј Вајлдер, а одлуката за точниот датум ќе се знае во текот на денешниот ден.
Најверојатно овој меч ќе се одржи на лондонски „Вембли“, додека другата опција е „Принципалити“ во Кардиф.
Тоа значи и дека Ентони Џошуа и неговиот тим одбија 20 милиони долари за да дозволат реванш со Александар Усик, па Британецот ќе биде во рингот со него.
