Тејлор Свифт доминира во номинациите за годинешните музички награди (VMA) на MTV со осум номинации.
Поп-ѕвездата е кандидат за посакуваното признание Уметник на годината – за кое се соочува со конкуренција од Бијонсе, Доџа Кет, КАРОЛ Џи, Ники Минаж и Шакира.
Нејзиниот хит „Anti-Hero“ влезе во потесниот избор за Видео на годината, Песна на годината, Најдобар поп, Најдобра режија, Најдобра кинематографија, Најдобра монтажа и Најдобри визуелни ефекти.
Тејлор, која најверојатно ќе освои рекордна четврта награда во категоријата Видео на годината, е на врвот на листата номинациите, а втора е SZA со шест номинации.
Дури 35 уметници се номинирани првпат оваа година, а Ким Петрас влезе во потесниот избор за пет награди, сите за „Unholy“ – соработка со Сем Смит, во категориите за Видео на годината, Песна на годината, Најдобра режија, Најдобри визуелни ефекти и Најдобра кореографија.
На манифестацијата Video Music Awards се наградува најдоброто музичко видео на годината. Наградите ги доделува телевизискиот канал MTV.