Tesla повлекува вкупно 2.193.869 свои електрични автомобили, вклучувајќи го и новиот пикап Cybertruck, поради големината на фонтот на контролната табла.
Американската национална администрација за безбедност на сообраќајот на патиштата (NHTSA) наведува дека предупредувачките светла се помали од оние пропишани со Федералниот стандард за безбедност на моторни возила (FMVSS). Според документот, ова може да ја ограничи способноста на возачот да ги види, што на крајот може да резултира со несреќа.
Повлекувањето ги опфаќа Model S (2012 - 2023), Model X (2016 - 2014), Model 3 (2017 - 2023), Model X (2019 - 2024) и Cybertruck (2024).
Ова ќе биде прво повлекување на Cybertruck нарачано од владина агенција откако пикапот почна да се испорачува во ноември 2023 година. Исто така, во средината на декември и официјално беше забележана првата несреќа во која учествуваше овој електричен пикап.
Проблемот беше откриен на 8 јануари на моделот Y од 2023 година, беше покрената истрага, а по истрагата, компанијата иницираше отповикување. Нема пријавени сообраќајни несреќи или повредени поради овој проблем.
Интересно, Tesla веќе го решава проблемот преку over-the-air (OTA) систем со ажурирање на софтверот 2023.44.30.13. Ова е зголемување на големината на фонтот за да се исполнат прописите и нема да има компензација за клиентите. Сепак, надградбата е потполно бесплатна.
Минатиот месец, Tesla спроведе слична програма за речиси 200.000 електрични автомобили поради проблеми со задната камера.