Култниот филм од 1997 година последниве денови повторно е популарен на социјалните мрежи, а посебно внимание привлече една сцена, објавена на TikTok.
Имено, еден од корисниците на гореспоменатата социјална мрежа сподели сцена која изгледа толку „лажна“, а многумина останаа шокирани што претходно не ја забележале.
„'Titanic' го гледав милион пати и дури сега, кога лежев дома болна, сфатив колку е лажна оваа сцена“, стои во описот на видеото.
Сцената од видеото се случува веднаш по испловувањето на „Титаник“. Камерата ги прикажува патниците на палубата - кои се создадени со помош на компјутерски генерирани слики (CGI).
Иако овој метод некогаш беше доста популарен, со оглед на денешните можности за специјални ефекти кои прават сцените да изгледаат реалистично - оваа сцена беше смешна за многумина.
@jessveraaa mind blown 🤯 #titanic ♬ original sound - jess 🦋
„Не би го забележале на лента“, „Нашите модерни телевизии уништуваат стари филмови“, „Кога 'Титаник' беше во кината, не го забележавме ова бидејќи беше врв на технологијата“, беа само дел од коментарите.
Споменатото видео е прегледано речиси 20 милиони пати на TikTok, а многу луѓе напишаа дека сега мора повторно да го погледнат иконскиот филм.
