Том Круз успеа да ја натера публиката да оди во кино и да гледа филм во кој не станува збор за суперхерои и тоа е можеби еден од најдобрите моменти во неговата кариера.
Филмот „Top Gun: Maverick“ во првиот викенд на прикажување заработи рекордни 134 милиони долари во 4.732 кина во Северна Америка. Благодарение на добрите рецензии , големата доза носталгија и враќањето на Том Круз во вториот дел филмот ги урна сите рекорди на гледаност.
Така, успеа да се најде на првото место со најголема заработка во 40-годишната кариера на Круз и е негов прв филм кој во првиот викенд на прикажување надминал 100 милиони долари.
Токму публиката на возраст над 40 години покажа најголем интерес за филмот, што е прилично импресивно бидејќи токму таа демографска група најмногу се двоумеше да се врати во кино. И покрај доцнењето со прикажувањето на филмот кое требаше да се случи во 2020 година, коронавирусот ги расипа тие планови. Но, Том Круз се потруди „Top Gun: Maverick“ да не ги следи стапките на филмовите кои поради тоа беа лошо прифатени од публиката.
Двегодишното чекање на крајот се исплати со оглед на реакцијата кај публиката и оценките од критичарите.