Шпански државјанин доби 3 години затвор поради планирање бомбашки напад за време на Ел Класико помеѓу Барселона и Реал Мадрид. Ова денеска го објави шпанскиот Национален суд на правдата.
Според нивното соопштение, џихадистот од терористичката организација Исламска Држава требало да детонира дрон наполнет со експлозив на стадионот „Ноу Камп“ за време на најголемото шпанско дерби.
Мажот, како што се наведува, инструкциите за напад ги добил преку информативниот сервис Telegram, преку кој му порачале да си „осигура место во рајот“ и да надокнади за тоа што, помеѓу другото, погрешил со пиењето алкохол и практикувањето атеизам.
Се додава и дека мажот се радикализирал и во контакт во терористичката ИСИС стапил од 2020 година. Претходно човекот никогаш не бил верски упадлив.
Работел во бар, а шпанската полиција го уапсила во мај 2020 година откако некои докази сурерирале дека мажот, кој во тоа време живеел во Барселона, планирал напад за време на натпреварот, но сѐ уште не е познато кога точно планирал да го изврши страшниот акт.
