Компирите се храна која треба да се чува на суво и темно место, како оставата или гаражата, но не секој има можност правилно да ги складира компирите. Ако компирот е на светло и влажно место, тој почнува да никнува и брзо ја губи цврстата текстура и препознатливиот вкус.
Сепак, постои едноставен начин да го спречите тоа, а ви треба само едно јаболко, пренесува Lifehacker.
Сè што треба да направите е да додадете едно јаболко на средината на садот или торбата со компири. Јаболкото произведува и ослободува етилен, природен гас кој го спречува создавањето на корења и 'ртење на компирот. Меѓутоа, јаболкото предизвикува и пребрзо зреење на другите овошја и зеленчуци, па затоа треба да се чуваат подалеку од нив.
Компирите складирани со јаболко остануваат цврсти и без микроби дури и по осум недели, за разлика од компирите складирани без јаболко кои се „генерално меки, збрчкани и со тажен изглед“.