Томас Тухел, кој доби отказ од ПСЖ пред неколку дена, се согласи на понудената отприемнина за напуштање на францускиот шампион.
Германскиот тренер ќе добие шест милиони евра. За потсетување, тој беше отпуштен по интервјуто во кое тој рече дека не е сигурен дали е тренер или политичар во Париз и се прашува каква е неговата улога во клубот.
Тухел подоцна се оправда дека се пошегувал и дека неговите зборови биле погрешно преведени, но тоа не го спаси од отказ.
Новинарот на Sky Sports Фабрицио Романо на Twitter објави дека аргентинскиот тренер Маурисио Покетино веќе потпишал договор со ПСЖ.
Покетино го напушти Тотенхем во ноември 2019 година. Заедно со тимот од Лондон, тој се пласираше во финалето во Лигата на шампиони 2018/19, каде загуби од Ливерпул (0:2).
