Претседателот на Туркменистан подигна џиновски златен споменик за неговото омилено куче, пренесе BBC.
Гурбангули Бердимухамедов подигна споменик висок 6 метри во главниот град Ашхабад. Минатата година, претседателот му посвети и книга на кучето.
Голем дел од жителите на Туркменистан се сиромашни, а организацијата за слобода на медиумите RSF оваа земја ја оценија за најмалку слободна и на листата се наоѓа пред Северна Кореја.
Државните медиуми пишуваат дека кипот претставува симбол на „гордост и самодоверба“ на оваа раса наречена Албаи, овчарско куче, симбол на национална гордост. Не е познато колку чини изградбата на споменикот.
