Поради промена на правилата, суспендиран е познатиот профил на Twitter што го следеше движењето на авионот на Илон Маск.
Twitter трајно го суспендираше профилот @ElonJet на кој студентот Џек Свини објавуваше информации за движењето на приватниот авион на милијардерот.
Свини како извор користеше јавно достапни податоци за летови, а следеше и други славни личности. Во текот на викендот Свини објави дека twitter дека ја ограничил видливоста на неговиот профил, а во понеделникот соопшти дека повторно сè е во ред.
Но, сега дефинитивно е суспендиран, а отстранет е и приватниот профил на момчето.
Twitter потоа објави промени кои се однесуваат на забрана за објавување на моменталната локација на некоја личност.
Пред да го купи Twitter, Маск му понуди на Свини 5.000 долари за да престане со објавување информации за неговиот авион, но момчето бараше 50.000 долари, па затоа не се договорија.
Претходно во ноември, Маск навести дека нема да го блокира споменатиот профил, иако смета дека се работи за „директен личен ризик“. На крајот, сепак не испадна така.
