Најпопуларниот УФЦ борач Конор Мекгрегор беше уапсен поради брзо возење, а запленет е и неговиот скап автомобил.
Мекгрегор очигледно не може без скандали, па вчера повторно беше уапсен. Овој пат причината е опасното возење, пишуваат ирските медиуми.
Познатиот ирски ММА борач возел пребрзо низ улиците на Даблин, по што му бил запленет скапиот Bentley Continental GT вреден 170.000 евра.
Мекгрегор веднаш бил пренесен во локалната полициска станица по што бил пуштен со кауција. Исто така, му е вратен автомобилот.
Ова е само дел од неговата правна сага. Следниот месец ќе мора да оди на суд во Бланчардстаун, а медиумите во Ирска најавуваат дека ќе се соочи со парична казна од над 5.000 евра или шест месеци затвор.
Ова не е првпат Мекгрегор да прави сериозни прекршоци додека вози. Дури и му беше одземена возачката дозвола на половина година во 2017 година, кога исто така возел пребрзо по улиците на Даблин.