Лесна победа на Борусија Менхенгладбах и смена на лидерската позиција на табелата. Ова се карактеристики на саботните натпревари од 22-то коло во Бундеслигата.
Борусија Менхенгладбах во последниот натпревар од саботната програма ја совлада Фортуна во Дизелдорф со 4:1. Двапати капитенот Ларс Штиндл (51’ и 77’) и по еднаш Јонас Хофман (22’) и Флоријан Нојхаус (82’) ја запечатија судбината на домашните за кои почестниот гол го постигна Томи во 29-та минута.
Лајпциг триумфира над Вердер со 3:0 и барем на 24 часа го презеде врвот на табелата од Баерн кој утре попладне ќе гостува кај Келн.
Бундеслига, 22 коло: Фортуна – Борусија (М) 1:4, Унион Берлин – Баер 2:3, Лајпциг – Вердер 3:0, Падерборн – Херта 1:2, Хофенхајм – Волфсбург 2:3, Аугсбург – Фрајбург 1:1, Борусија (Д) – Ајнтрахт 4:0.
Денеска ќе играат: Келн – Баерн и Мајнц – Шалке.
Табела: Лајпциг 45, Баерн 43 (-1), Борусија (Д) 42, Борусија (М) 42 (-1), Баер 40, Шалке 35 (-1), итн.