Осасуна сигурно нема да биде дел од Конференциската лига на УЕФА, откако европската куќа на фудбалот ја одби нивната жалба за исклучувањето поради скандалот со местење натпревари стар една деценија. Баскискиот клуб под водство на тренерот Јагоба Арасате Елустондо заврши на 7. место на табелата во шпанската Ла лига за прв пласман во Европа по 16 години.
„Апелациониот комитет на УЕФА одлучи да ја исклучи Осасуна од Конференциската лига во 2023/2024. Членовите на Апелациониот комитет не ги прифатија нашите аргументи и ја потврдија првичната одлука. Осасуна не се согласува со критериумите на УЕФА кои за жал значат дека ги казнуваат тие што се борат против корупцијата на суд. Ние ќе продолжиме да бараме легална завршница“, велат од клубот.
Поранешните директори на Осасуна во 2020 беа осудени за корупција и местење натпревари од 2012 до 2014 година, откако самиот клуб ги пријави нив, но според правилата на УЕФА, клубови што имаат докажана вмешаност во местење натпревари од април 2007 автоматски добиваат едногодишна суспензија од европските натпреварувања.
Осасуна минатава сезона играше и финале на Копа дел Реј, каде со 2:1 загуби од Реал Мадрид.
