Листата со борби (fight card) за ММА настанот УФЦ 294 претрпе големи промени, но затоа конечно изгледа спектакуларно.
Во главната борба на вечерта требаше да се пресметаат Ислам Махачев и Чарлс Оливеира, но Бразилецот мораше да се повлече поради расекотина што ја доби на тренингот во понеделникот. На негово место Александар Волкановски ќе ги одмери силите со феноменалниот Махачев.
Но, тоа не е сè, бидејќи промена имаше и во борбата за титулата. Првично Пауло Коста требаше да влезе во октагонот со Хамзат Чимаев, кој има проблем со стафилококна инфекција, поради што нема да може да се бори. Но, УФЦ брзо најде замена и тоа спектакуларна, а тоа е поранешниот шампион во полусредна категорија Камару Усман, кој сега ќе се бори во средна категорија.
Да потсетиме, триесет и шестгодишниот Усман доживеа два порази од актуелниот шампион Леон Едвардс, а претходно пет пати успешно ја бранеше титулата. Тој не влегол во октагонот од март и од настанот UFC 286.
29-годишниот Чимаев одамна не се борел, последен пат во октагонот беше во септември на настанот УФЦ 279, кога го совлада Кевин Холанд.
УФЦ 294 е закажан за 21 октомври, а ќе се одржи во Абу Даби.
Листата со борби изгледа вака:
Ислам Махачев vs. Александар Волкановски – за титулата во лесна категорија
Камару Усман vs. Хамзат Чимаев
Магомед Анкалаев vs. Џони Вокер
Икрам Алискеров vs. Насурдин Имавов
Муин Гафуров vs. - Саид Нурмагомедов
Тим Елиот vs. Мухамед Мокаев
Тревор Пик vs. Мохамед Јахја
Џавид Башарат vs. Виктор Хенри
Абу Азаитар vs. Седрик Дима
Мајк Бриден vs. Аншул Џубли
Мухамед Наимов vs. Натаниел Вуд
Викторија Дудакова vs. Џин Ју Фреј
Шара Магомедов vs. Бруно Силва.