Легендарниот јамајкански спринтер и олимпиец Усеин Болт стана татко.
Каси Бенет, девојката на најбрзиот човек во историјата и основач на компанијата Project Kase, во неделата роди здраво женско дете.
Јавноста ја дозна веста благодарение на премиерот на Јамајка, Ендру Холнес кој јавно им честиташе на Twitter.
Болт (33), кој ги држи светските рекорди на 100 и 200 метри и се смета за најдобриот атлетичар на сите времиња, во март најави дека го очекуваат раѓањето на бебето.
Засега уште не е познато кое име го избрале Усеин и Каси за нивната ќерка.
