Фудбалерите на Барселона продолжија да нижат лоши резултати сезонава, а синоќа по драма и продолженија беа елиминирани од шпанскиот Копа дел Реј.
Атлетик Билбао беше подобар од Барселона со 4:2 и со тоа се пласираше во полуфиналето на Копа дел Реј, а главен херој беше фудбалерот на Гана, Ињаки Вилијамс.
Во регуларните 90 минути резултатот беше 2:2 откако Атлетик поведе преку Горка Гурузета, потоа Роберт Левандовски и Ламин Јамал направија пресврт за Барса, а Оихан Сансет во 49. минута му донесе израмнување на Атлетик.
Ињаки Вилијамс влезе во игра во 60. минута, а во судиското продолжение, во 105+2 минута, постигна клучен гол за водство на својот тим од 3:2, а во судиското надополнување, во 120+1 минута му асистираше на својот брат Нико Вилијамс за конечни 4:2.
Интересно е што Ињаки вчераутро полета од Брегот на Слоновата Коска за Шпанија, а веќе во вечерните часови пристигна да игра на овој меч и да ја елиминира Барса од Купот на кралот.
Вилијамс играше во Брегот на Слоновата Коска на Африканскиот куп на нации со репрезентацијата на Гана, која шокантно беше елиминирана уште во групната фаза иако важеше за еден од фаворитите на континенталниот шампионат. Гана на АФКОН загуби од Зелен 'Рт со 2:1, а потоа одигра реми 2:2 со Египет и со Мозамбик.
Инаку, Ињаки игра за Гана, но неговиот брат Нико игра за Шпанија. Двајцата се родени во Баскија.