Геминидите се активни од 4 до 17 декември, додека максимумот ноќе е помеѓу 12/13 и 13/14 декември.
Метеорскиот рој Геминиди е еден од најбројните роеви во однос на бројот на метеори на час (зенитски просек на час - ЗПЧ). Иако бројот на метеори последниве години варира, секогаш ќе има доволно за набљудување.
Геминидите се активни од 4 до 17 декември (податоците може да варираат во зависност од изворот), додека максимумот ноќе е помеѓу 12/13 и 13/14 декември. Според starwalk.space, очекуваниот ЗПЧ е околу 150, но веројатно нема да видите повеќе од 50 метеори на час на темното небо, пишува блогот Svemir. На небо со Месечината на 80%, таа бројка е уште помала.
Вообичаено е метеорскиот дожд да бидат остатоци од комета која го пресекла патот на Земјата и зад себе оставила ситни честички кои подоцна ќе се судрат со нејзината атмосфера и ќе изгорат во неа, оставајќи зад себе светла трага што ја гледаме. Сепак, ова станува збор за астероидот 3200 Phaethon, кој е откриен на 11 октомври 1983 година.
Радијантот на Геминидите е во истоименото соѕвездие Близнаци (Gemini) во близина на ѕвездата Кастор. Ова соѕвездие се појавува на источниот хоризонт деновиве околу 19 часот, но поволна позиција за набљудување ќе заземе дури после 20 часот. Радијант е точката на небото од која се чини дека се појавуваат метеори (означени со црвено на сликата). Сепак, реално е дека метеорите од еден рој можат да се појават каде било на небото.
Годинешниот дожд на Геминидите може да биде со многубројни метеори, но ќе ги видиме само најсветлите.
Доколку се одлучите да ги гледате Геминидите, освен топла облека ќе ви треба и темна локација каде светлосното загадување нема да ви прави уште поголеми проблеми во комбинација со Месечината.
Некогаш е потребно трпение за набљудување, бидејќи постои можност неколку минути да не видите ниту една ѕвезда што паѓа, а потоа за неколку секунди да се случи вистински порој.
