Актуелниот светски првак и возач на Ред Бул, Макс Верстапен, постигна најбрзо време во квалификациите за утрешната трка за Големата награда на Јапонија.
Со тоа ги зголеми шансите уште овој викенд на патеката Сузуки да ја одбрани титулата ако победи утре со најбрз извозен круг. Холанѓанецот беше за 0.010 секунди побрз од Шарл Леклер и 0.057 секунди побрз од Карлос Саинц, обајцата од Ферари.
Расплетот на квалификациите сè уште не е дефиниран, бидејќи се води истрага поради инцидентот меѓу Верстапен и Ландо Норис, кој за среќа мина без последици.
Изминатите две сезони ГН на Јапонија не беше во календарот на Формула 1 поради пандемијата на коронавирус, а организаторите на утрешната трка очекуваат присуство на околу 190.000 гледачи.