Чилеанецот не сака да ги крие амбициите. Иако клубот јавно не потенцираше, Артуро Видал признава дела целта на Интер сезонава е Скудетото.
„Не ми е страв да го кажам зборот Скудето. Тоа е нашата цел. Многу пати сум станал шампион, како во Германија, така и во Шпанија. Мораме да работиме секојдневно, да мислиме натпревар по натпревар, а потоа ќе видиме дали ќе бидеме во ситуација да мислиме на Скуетото“, зборува Видал за Sky Sport.
Тој сезонава настапи на 12 натпревари во Серија А, а во Интер дојде токму во летниот преоден рок од редовите на Барселона и тоа по барање на Антонио Конте.
„Се работи за нов проект со млади фудбалери кои се гладни да освојат нешто. Најтешкиот момент за нас и за мене беше елиминацијата од Европа, бидејќи освојувањето на Лигата на шампионите е сон. Сепак, имаме уште два трофеја во игра и мора да извадиме максимум“, вели 33-годишниот Чилеанец.
Видал има освоено еден куп шампионски титули. Во секој клуб каде грал ја освојувал домашната лига почнувајќи од родниот Чиле каде со Коло-Коло трипати беше шампион, потоа 4 пати го освојуваше Скудетото со Јувентус, па 3 пати Бундеслигата со Баерн, а еднаш Ла Лига со Барса. Не сака да ја прекине низата и во дресот на Интер да не стане шампион.