Во Бразил во изминатите 24 часа од COVID-19 починалo 1.641 лице, што е рекорден број смртни случаи регистрирани во земјата за еден ден, покажуваат податоците на бразилското Министерство за здравство.
Претходно, најголемиот број смртни случаи беа забележани на крајот на јули минатата година – 1.595.
Бразил се соочува со нов бран на епидемијата, а здравствениот систем е пред колапс.
Според официјални податоци во Бразил од COVID-19 досега починаа повеќе од 257.000 луѓе, а земјата е на второто место во светот, по САД, по вкупниот број смртни случаи од коронавирусот.
Околу 10,6 милиони случаи на коронавирус се потврдени од почетокот на пандемијата, а 59.925 лица биле заразени во последните 24 часа.
2021-03-03 07:34:05, од Јасмина Тасевска
