Федерацијата денеска излезе со соопштение во кое ги информира сите оние кои имаат купено билет за натпреварот Македонија - Косово за начинот на кој ќе можат да си ги вратат парите.
Натпреварот беше оригинално закажан за 23 март, но се одложи поради пандемијата со коронавирусот. Бидејќи до пред некој ден постоеше можност да се игра со присуство на 30% публика, како што дозволи УЕФА, но Министерството за здравство категорично го отфрли тоа и нареди воопшто да нема публика. Тоа на ФФМ ѝ даде одврзани раце да почне да ги враќа парите за купените билети.
„Фудбалската федерација на Македонија ги информира сите поддржувачи и навивачки на македонската репрезентација дека од петок, 09.10.2020 до 23.10.2020 преку МК Тикетс, официјалниот партнер на ФФМ за продажба на билети за натпреварите на нашите национални тимови, ќе се врши враќање на паричните средства за билетите купени за откажаниот натпревар меѓу Македонија и Косово кој првично требаше да се одигра на 23 март 2020“, стои во соопштението на ФФМ.
За да се добие повраток на паричните средства треба да се приложи оригиналниот билет и документ за лична идентификација.
Враќањето може да се направи на следниве локации:
Скопје:
- Билетара на стадионот „Тоше Проески“ во период од 9 до 23 октомври
Битола:
- Книжара „Литература МК“ - 13-18 октомври
Велес:
- Унисон - 9-23 октомври
Неготино:
- Тобако Корзо
Охрид:
- ТА Глобус Травел - 9-23 октомври
Прилеп:
- ТА Бран - 9-23 октомври
Струмица:
- Кафе бар „Концепт“ - 9-23 октомври
Штип:
- кафе „Симбол“ - 9-23 октомври
Сите кои не се во можност или имаат проблем можат да се обратат на contact@mktickets.mk.
Бараж натпреварот Мкаедонија - Косово се игра вечерва од 20:45 пред празни трибини на „Тоше Проески“ стадионот во Скопје.
„Фудбалската федерација на Македонија упатува благодарност до сите поддржувачи и навивачи на македонската репрезентација за подготвеноста да ја бодрат нашата селекција со надеж дека во најскоро време одново на вистински начин ќе бидеме поттик за омилената репрезентација“, велат од ФФМ.