Во Русија во последните 24 часа се регистрирани 10.559 лица заразени со коронавирусот, додека во Индија се регистрирани повеќе од 3.000 нови случаи.
Во Москва има 5.858 новозаразени, во Московската област 828, а во Санкт Петербург 312. Кај 4.341 пациент нема клиничка слика на вирусот. Во последното деноноќие починати се 86 лица.
Според РИА Новости, вкупниот број заразени со новиот коронавирус во Русија достигна до 165.929 луѓе, излекувани се 21.000, а 1.537 се починати.
Според податоците на Министерството за здравство на Индија, вкупниот број во земјата достигна 49.391 лице. Во моментот се лекуваат 33.514 пациенти, а оздравеле 14 182. Во последното деноноќие починале 126 лица, така што вкупниот број починати изнесува 1.694.
Министерството за внатрешни работи на Индија до 17 мај ги продолжи мерките за изолација и им наложи на сојузните држави да назначат „црвени“, „портокалови“ и „зелени“ зони, во зависност од бројот на заразени.
Во „зелените“ и „портокаловите“ области, со некои ограничувања, дозволено е користење такси и јавен превоз.
Во сите области, без исклучок, има забрана за работа на образовните институции и рекреативните објекти, границите се затворени, а забранети се и авионските летови и патувањата со воз и метро.
