Американската федерална управа за авијација (ФАА) вчера предупреди дека некои модели на млазни мотори CF6 на General Electric може да содржат делови со лажни сертификати, барајќи од сопствениците да ги проверат резервите на авионите и деловите.
AOG Technics со седиште во Велика Британија продавала изолатори за моторите CF6 на GE без лиценца, предупреди ФАА.
Производителот на млазни мотори CFM International во средата изјави дека AOG Technics можеби продала илјадници делови од моторот со фалсификувана документација. Се сомневаат дека делови за моторите CFM56, произведени од компанијата GE-Safran CFM, и за многу мал број мотори CF6, кои главно се користат за напојување товарни авиони и се произведени од General Electric, можеби се продадени без сертификација.
До понеделник беше утврдено дека околу 96 мотори може да содржат делови со фалсификувана документација.
Метју Рив, адвокат на CFM и неговите косопственици General Electric и Safran, во поднесоците во Високиот суд во Лондон рекоа дека досега идентификувале два фалсификувани формулари на ФАА за „стотици“ делови од моторот CF6.
Овој мотор се користи главно од товарни авиони, вклучувајќи го и огромното мнозинство на товарни авиони Boeing 767 и воените авиони за полнење гориво Boeing KC-767 во флотите на Италија и Јапонија.
Доколку се најдат делови со лажен сертификат во моторите CF6, сопствениците и операторите на авионите мора да ги отстранат и зачуваат, истакна американскиот регулатор.
Европските регулатори соопштија дека ги истражуваат наводите од извештајот дека некои делови испорачани од AOG Technics без валидни сертификати биле пронајдени во моторите CFM56 вградени во некои авиони Airbus и Boeing.
По објавувањето, авиокомпаниите сменија делови на десетици авиони. Досегашните промени вклучија само дел од вкупно 23 илјади мотори CFM56.
