Борачот со македонско потекло успеа да ја одбрани титулата во својата УФЦ категорија откако го победи предизвикувачот од Јужна Кореја.
Австралиецот Алекс Волкановски, наречен Велики, со технички нокаут на 45 секунди во 4. рунда го сопре залетаниот Чан Сан-чун, популарно наречен Корејскиот зомби. На стартот на таа клучна четврта рунда веќе беше очигледно дека лицето на Кореецот е прилично помодрено и прашање на време беше кога судија ќе досуди крај.
„Тој всушност прими многу повеќе удари отколку што имав намера. Мислев дека порано ќе свират крај. Но, таков е овој спорт“, изјави Волкановски по борбата.
Со оваа победа Волкановски по трет ја одбрани УФЦ титулата во перолесна категорија каде владее од декември 2019 година.
„Не бев уморен. Бев подготвен да продолжам. Но, чувствував како да имам ѕид пред мене преку кој не можев да поминам“, рече Кореецот.
Волкановски го совлада Чан со 138:48 во удари со 64% прецизност на ударите на македонскиот Австралиец.
