WhatsApp потврди дека неговата популарна апликација за допишување добива емоџи реакции.
Новитетот ќе им овозможи на корисниците да ги изразат своите „чувства“ откако ќе добијат порака без потреба да испраќаат поединечен емотикон или повеќе во посебна порака. Портпаролот на Meta, Џошуа Брекман, изјави за The Verge дека емоџи реакциите наскоро ќе бидат достапни за сите.
Сепак, на почетокот бројот на емоџи реакции ќе биде ограничен на само шест, но WhatsApp веројатно ги избрал „најважните“, односно оние кои најчесто се користат. Првиот човек на WhatsApp, Вил Кеткарт, рече дека чатот ќе ги поддржува сите реакции на емоџи во блиска иднина.
Фановите на популарната апликација ја гледаат новината како уште една позитивна карактеристика на WhatsApp откако апликацијата објави дека ќе им овозможи да испраќаат поголеми датотеки. Лимитот е поместен од 100 MB на 2 GB, а зголемен е и бројот на корисници кои можат да учествуваат во ист гласовен повик од 8 на 32.