Австралиецот со македонско потекло, Алекс Волкановски, сака и фудбал. И има омилен клуб. И нема шанси да погодите за кој клуб навива.
На пример, Конор МекГрегор е навивач на Селтик и на Манчестер Јунајтед. Волкановски повеќе симпатии има кон аматерскиот фудбал и навива за клуб каде сите играта од љубов кон оваа игра со топка.
Таткото на Александер Волкановски се вика Тоде е и родум од пелагониското село Беранци. Беранчани имаат и фудбалски клуб, наречен Младост, кој се натпреварува во втората општинска лига на Битола, петта по ранг во македонската фудбалска пирамида. Алекс навива токму за овој тим, за што говори и фотографијата споделена од ФК Младост Беранци, на која Алекс е со своите две ќерки.
Берански Младост дефинитивно го има еден од најатрактивните фанови.
Тимот сезонава по 4 кола има скор од 3 победи и 1 пораз.