Основачот на Meta, Марк Закерберг, претстави нови Meta Quest Pro VR очила со додатоци кои чинат 1.500 долари. Претходната верзија на VR очила на компанијата чинеа 400 долари, а најновото издание е поскапо за 1.100 долари.
Закерберг соопшти дека испораката почнува од 25 октомври. Кога зборуваме за Meta Quest Pro VR хедсет, доаѓа со нови технологии како што е мобилниот Snapdragon chipset Qualcomm што овозможува подобрена графика на виртуелна реалност, а контролерите доаѓаат со подобрени сензори на допир, вградени сензори за попрецизни движења на рацете, како и со нови леќи за подобрено искуство за читање.
Новиот хедсет носи и ново искуство на спојување на физички реалниот и виртуелниот свет, а Закерберг вeли дека тоа е многу важно во создавањето на метаверзумот.
Некои од апликациите на кои корисниците ќе имаат пристап се Teams и Microsoft 365, како и некои 2D игри од Xbox Cloud Gaming сервисот.