Основачот и директор на Meta, Марк Закерберг, е побогат за 11 милијарди долари и со тоа повторно се најде меѓу десетте најбогати луѓе во светот.
На 28 април вреднсоа на Meta, во чија сопственост се Instagram и Facebook, порасна за 17%. Со тоа Закерберг за само еден ден стана побогат за 11 милијарди долари.
На Вол Стрит очекуваа дека во првиот квартал од годината Meta ќе има најбавен раст во последните неколку години, но инвеститорите беа многу задоволни откако забележаа зголемување на бројот на корисници, што е еден од клучните критериуми.
Претходниот пад на вредноста на акциите влијаеше на вредноста на богатството на Закерберг. По два месеца, тој е повторно меѓу десетте најбогати луѓе во светот. Неговото богатство сега вреди 65 милијарди долари.
Најголем конкурент на Facebook сега е TikTok, а предизвик му се и промените во безбедносната политика на Apple, како и блокадата на Instagram и Facebook во Русија, пишува CNN.