1.МФЛ 2020/21

Заврши есенскиот дел во фудбалската Прва лига, Пелистер ја изненади Шкендија

Среде недела денеска се одигра последното есенско коло во најдобрата македонска фудбалска лига во кое нјаголемото изненадување се случи во Тетово каде Пелистер славеше над лидерот на табелата.

Момент од натпреварот помеѓу Шкупи и Струга; Фото: ФК Шкупи Скопје

Со неколку изненадувања се затвори есенската полусезона во Првата лига. Најголемото се случи во Тетово каде со гол од пенла во судиското надополнување Пелистер освои огромни три бода и тоа против најсериозниот кандидат за титулата сезонава, Шкендија. Успешен егзекутор беше ветеранот Борче Мнаевски. И покрај поразот тетовци остануваат лидери. На овој натпревар долгогодишниот прволигашки и интернационален судија со знакот на ФИФА, Димитар Мечкаровски, се прости од свирчето и заминува во пензија.

И двата најсериозни конкуренти на Шкендија беа поразени на домашен терен. „Лавовите“ потклекнаа пред Ренова, додека Струга им откина три бода на чаирчани.

Вардар со победа ја затвори полусезоната и тоа на гости кај последнопласираната Беласица која паузата ќе ја мине како главен фаворит за испаѓање. Победи забележаа и Работнички и Академија Пандев. Младиот Лука Станковски блесна кај „Романтичарите“ и со два гола донесе победа над Борец.

Стадион „Градски“ во Тетово
Шкендија - Пелистер 0:1 (0:0)
Стрелци: 90'+1 (п) Борче Маневски
Судија: Димитар Мечкаровски (Скопје)

Стадион „Благој Истатов“ во Струмица
Беласица - Вардар 0:3 (0:1)
Стрелци: 1' Мартин Мирчевски, 54' Андреј Стојчевски, 61' Матеј Цветановски
Судија: Јосип Бартон (Скопје)

Стадион „Ѓорче Петров“ во Скопје
Македонија ЃП - Ренова 2:3 (0:1)
Стрелци: 52' Ермедин Адем, 70' Фернанџињу - 39' Сухејљ Мухарем, 71' Ремзифаик Селмани, 88' Шефит Шефити
Судија: Стојанче Трпчевски (Кавадарци)

Стадион „Петар Милошевски“ во Скопје
Шкупи - Струга 1:2 (0:0)
Стрелци: 68' Ламин Џак - 55' Клисман Цаке, 82' Абдулхади Јахја
Судија: Марјан Гоцевски (Струмица)

Национална Арена „Тоше Проески“ во Скопје
Работнички - Борец 2:1 (1:1)
Стрелци: 15', 71' Лука Станковски - 12' Никола Прелчец
Судија: Александар Грујоски (Кичево)

Стадион „Силекс“ во Кратово
Силекс - Академија Пандев 1:2 (0:1)
Стрелци: 75' Иван Ивановски - 22' Кристијан Трапановски, 54' Кристијан Велиновски
Судија: Јован Качевски (Струга)

Табела: