Есенскиот дел од втората македонска фудбалска лига заврши со комплетирањето на денешното 15-то коло.
На врвот на табелата ќе презими тимот на Гостивар кој со лесна победа над Караорман не му дозволи на Вардар да за зачува лидерското место. За потсетување, Вардар својот натпревар против Кожуф го одигра синоќа и славеше победа од 2:0, а врвот го загуби кога во Битола одигра нерешено со Пелистер.
На третото место останува Воска Спорт, уште еден клуб со прволигашки амбиции, кој денеска немаше тешка задача против последнопласираниот Борец, убедливо најслабата екипа во лигата. Велешани есенскиот дел го завршуваат без ниту еден освоен бод.
Пелистер останува четврти со надежи барем за бараж, а исти такви надежи гае и изненадувањето Детонит Плачковица од Радовиш.
Резултати:
Вардар - Кожуф 2:0 (синоќа)
Саса - Пелистер 1:2
Беса 1976 - Локомотива 2:0
Гостивар - Караорман 5:1
Воска Спорт - Борец 6:0
Слога 1934 - Детонит Плачковица 1:3
Беласица - Охрид 1:1
Тетекс - Арсими 0:2
Табела:
- Гостивар 37
- Вардар 36
- Воска Спорт 34
- Пелистер 30
- Детонит Плачковица 29
- Охрид 26
- Беса 1976 21
- Арсими 20
- Беласица 20
- Караорман 20
- Кожуф 17
- Локомотива 14
- Саса 13
- Слога 1934 10
- Тетекс 7
- Борец 0
Пролетниот дел почнува на 18 февруари со натпреварите од 16-тото коло.