Заврши регуларниот дел од сезоната во НБА. Десет клуба сезонава ја завршија својата приказна, 12 обезбедија плеј-оф, а уште осум ќе се борат за преостанатите четири места во плеј-инот, кој се игра од вторник до петок, пред почетокот на плеј-офот в сабота.
На истокот уште пред викендот се знаеше сè, но на Запад три екипи се бореа за последните две места во плеј-офот, а во најделикатна ситуација беа ЛА Лејкерс кои можеа да влезат во првите шест, но и да паднат на деветтото место, во долниот дел плеј-инот. Тие ја победија Јута Џез, но не ги дочекаа киксовите на ЛА Клиперс и Голден Стејт и завршија седми.
Минесота го победи Њу Орлеанс во директна битка за осмото место и горниот дел од плеј-офот, а во вторник ќе се бори со Лејкерс за седмиот носител во плеј-офот. Поразениот ќе се бори за осмото место со подобриот од пресметката меѓу Њу Орлеанс и Оклахома Сити.
Исток
Вторник: Мајами (7) - Атланта (8)
Среда: Торонто (9) - Чикаго (10)
Петок: поразен 7/8 - победник 9/10
Запад
Вторник: ЛА Лејкерс (7) - Минесота (8)
Среда: Њу Орлеанс (9) - Оклахома Сити (10)
Петок: поразен 7/8 - победник 9/10
Исток
Милвоки (1) - плеј-ин 2 (8)
Бостон (2) - плеј-ин 1 (7)
Филаделфија (3) - Бруклин (6)
Кливленд (4) - Њујорк (5)
Запад
Денвер (1) - плеј-ин 2 (8)
Мемфис (2) - плеј-ин 1 (7)
Сакраменто (3) - Голден Стејт (6)
Феникс (4) - ЛА Клиперс (5)