Најмалку петмина навивачи на Баерн се поввредени по тепачката во Истанбул со домашните навивачи на турскиот шампион, јавуваат турските медиуми.
Галатасарај денеска од 18:45 часот е домаќин на германскиот шампион во натпреварот на 3. коло од Лигата на шампионите, а за вовед во истиот се погрижија навивачите на двата клуба.
Имено, домашните хулигани ги фатиле во заседа гостите, по што настанал хаос во кој биле употребени и тврди предмети и столчиња.
За тоа сведочат снимките од истанбулските улици објавени на социјалните мрежи.
Потсетуваме, Галатасарај ја отвори Лигата на шампионите со реми 2:2 против данскиот шампион Копенхаген, а потоа славеше кај Манчестер Јунајтед со 3:2.
Од друга страна, Баерн е на максимални 6 бода со победи против истите противници. Баварската гордост прво во трилер натпревар славеше дома со 4:3 против Манчестер Јунајтед, а потоа со 2:1 кај Копенхаген.