Во текот на туширањето треба да обрнете внимание на миењето на лицето бидејќи високата температура на водата може негативно да влијае на кожата.
Без разлика дали се туширате наутро, пред да одите на работа или пред да си легнете во кревет, голема е веројатноста вашата рутина да вклучува и миење на лицето под тушот.
Меѓутоа, повеќето дерматолози сметаат дека никогаш не треба да го миете лицет под туш, односно секогаш треба да го третирате одвоено од телото. Причината се крие во несоодветната температура на водата.
Колку и да е топла и примамлива во текот на зимата, сепак високата температура на водата може да наштети на кожата и да предизвика црвенило и чеашње. Врелата вода исто така ја дехидрира кожата и може да предизвика воспаление. Од тие причини лицето секогаш треба да се мие со млака или студена вода.
Ако сте љубител на долго туширање, кожата ја изложувате на потопли температури подолго време. Дополнителната топлина може да предизвика иритација која може да биде особено штетна за чувствителната кожа. Тоа може да ја влоши состојбата на кожата.
Иако туширањето и миењето на лицето со врела вода еднаш до двапати неделно нема да предизвика позначјно оштетување, секојдневното повторување на процесот може да предизвика дехидрација, пишува Healthline.
