Лето е и потењето е засилено, па повеќето луѓе сакаат да се тушираат повеќе пати дневно за да ја измијат потта од телото и малку да се освежат. Но, според дерматолозите, тоа не е баш добра идеја, пишува Mind Body Green.
Туширањето повеќе од еднаш дневно може да ја исуши кожата, особено ако за не се грижите за неа како што треба. Ако сепак мора да се туширате повеќе пати дневно, за да ја сочувате влажноста на кожата, следете ги овие три совети:
Пречесто туширање со топла вода ја суши кожата, исто како и времето минато на сонце. Туширањето со студена вода е подобра опција.
Заблуда е дека прекривањето на телото со сапуни од глава до пети е единствениот начин да ја измиете кожата. Всушност, колку и да е хидратантна вашата формула за капење, може да предизвика сушење на кожата дури и ако се туширате повеќе од еднаш на ден.
Со сапун поминете ги местата кои се валкани или имаат непријатен мирис – приоритет се вдлабнувањата на кожата, стапалата и кожата околу интимните подрачја. Самата вода доволно ќе ја измие нечистотијата од остатокот од телото.
По секое туширање навлажнете ја кожата со лосион за тело бидејќи помага да ја задржи водата, ги обновува липидите и спречува губење на вода. Лосионот нанесете го веднаш штом излезете од бањата бидејќи ако чекате предолго ќе ја пропуштите можноста да ги „запечатите“ хранливите состојки во кожата пред сета вода да испари.
Ако се брзате, користете производ кој веднаш се впива во кожата.