Има ли нешто потешко од станување од топлиот кревет додека надвор врне дожд? Кога доаѓа есента, денот е пократок, температурите пониски, а дождовните капки создаваат заспивна мелодија додека удираат по прозорците од спалната соба.
Ако имате проблеми да функционирате додека надвор паѓа дожд и ако сакате на дождлив ден цело време да спиете, не се грижите. Не сте единствени. Истражувањата покажаа дека повеќето луѓе го имаат тој проблем, а науката има објаснување.
Нашите тела се во склад со природата. Науката во повеќе наврати потврди дека постои врска меѓу временските прилики и нашата емоционална состојба. Студија од 2011 година потврди дека 9% од луѓето полесно се лутат кога надвор врне дожд, а истите животни ситуации нема да ги вознемират до таа мера за време на сончевите денови.
Оваа ситуација има врска и со ултравиолетовото зрачење, односно со неговиот недостиг. Докажано е дека сончевата светлина го зголемува нивото на серотонин, хормон на среќата кој ни недостига во текот на дождливите денови.
Ако денот е врнежлив, има малку дневна светлина, па телото лачи помалку серотонин, што нѐ прави попоспани од вообичаено.
Виновник што ни се спие кога врне е и влагата.
„Во деновите кога дождот го прави воздухот тежок и леплив, влагата може да биде исцрпувачка поради механизмот што телото го користи за да се олади“, смета д-р Мишел Дреруп од клиниката во Кливленд.
