Ново истражување покажа дека кафето е добар избор за пијалак пред вежбање и ги подобрува перформансите при тренингот.
Научниците веќе некое време не можат да се усогласат по прашањето дали кафето е добро за здравјето или не, но новото истражување натежнува на страната дека е многу корисно.
За да го потврди тоа, психологот Бруно Гулано ја поделил групата велосипедисти во три групи: оние кои пиеле помалку од една шолја кафе дневно, оние кои пиеле кафе умерено (до две шолји дневно) и оние кои пиеле повеќе од три дневно.
Наместо кафе, на велосипедистите им била дадена кофеинска пилула во која се содржи кофеин колку четири шолји кафе, плацебо пилула или не им дале ништо.
Потоа возеле велосипед додека не согореле 450 калории, по три пати, за да ги тестираат трите опции (кофеинска пилула, плацебо или ништо).
Гулано открил дека сите велосипедисти возеле побрзо по земањето кофеинска пилула: брзината што ја постигнувале тогаш била за 3,3% поголема отколку кога не примале кофеин, и 2,2% поголема во однос на плацебо пилулата.
