Промената на годишните времиња, паѓањето на лисјата од дрвјата и потемните утра исто така влијаат на нашето расположение.
Без разлика дали сме свесни за тоа или не, во текот на есента можно е да се намалат нивоата на серотонинот, витаминот Д и на тој начин да бидеме поуморни и неспокојни.
Можеби ни се чини дека немаме идеи и мотивација, но сите можеме да се бориме против тоа. А кои точно се советите за да бидете поодлучни и фокусирани, дознајте во продолжение.
Никој не сака да се чувствува екстремно, а во такви ситуации честопати целосно ги отфрламе емоциите, односно едвај чекаме да поминат.
Наместо тоа, треба да се обидеме да се смириме и потоа да се запрашаме зошто сме реагирале така во одредена ситуација. Можеби има некој друг проблем кој нѐ зафатил и кој треба да го надминеме за да продолжиме понатаму.
Чувствата всушност нѐ предупредуваат на многу други работи скриени во нас и затоа треба да ги слушаме. Не смееме да им се препуштиме, но тие можат да бидат клучот за разбирање на анксиозноста, летаргијата и општосезонското емоционално преоптоварување.
Можеби претпочитате статусот кво да не се менува, но работите се менуваат по природа и треба да се навикнете на тоа. Па, како да се подготвите за идните предизвици?
Со тоа што нема да се навраќате премногу на минатото, освен да извлекувате поуки од него, туку да размислувате за тоа што е следно за вас. Што би сакале да постигнете на личен, деловен, семеен план и како да влијаете на тоа.
Кога сте свесни дека промените се неизбежни и знаете во кои области прво тие би можеле да се случат, ќе бидете поподготвени дури и за непредвидените ситуации.
И наместо да се плашите од иднината и да трошите енергија за замислување на најлошото сценарио, активно подгответе се за убави нешта.
Кога сме кај промените, понекогаш е најдобро да ги направите сами. Упорноста значи да се држите до вашите цели, но ако тие не се постигнат, може да станете презаситени, па дури и да се сомневате во сопствените способности.
Ова е уште еден начин да потонете во апатија, а наместо тоа размислете дали можете да ја достигнете целта на некој друг начин.
Способноста за прилагодување е корисна во сите сфери од животот, а менувањето на вашиот план не значи дека не сте успеале во намерите, туку дека реагирате на она што ви се случува во моментот.
Самата одлука за промена на планот ќе ви даде поголема мотивација и сила во наредните дилеми и ќе ви го олесни одлучувањето во потешки ситуации.
Секој има моменти кога се сомнева во себе, а тоа најчесто се манифестира во форма на внатрешен глас кој ви го привлекува вниманието на грешките и дека не сте достојни за предизвик.
Од тој глас можете да научите нешто, но не смеете да дозволите да доминира со вас и да ве одвлекува од убавите работи. Дозволете тој другиот глас, кој ве фали, да се слушне уште погласно и да ве поттикне да продолжите да работите.
Ова е можеби најтешкото, бидејќи вклучува мерење на сè што сте направиле во одредена ситуација, анализирање што е добро, а што лошо, а пред сè, барање причини зошто се случило така.
Тоа е начин да станете свесни за фактот дека грешките се нормални и секому му се случуваат, но во исто време да научите од нив и да не бидете во заблуда дека немате никакво влијание врз нив.
Да се биде отворен кон себе и да се слушате е клучот, но не е срамота дури и да побарате помош за да имате поинаква перспектива.
